Хомус нарын тыаһынан доҕуһуоллатан.

          Хомус, саха киһитин  кутун-сүрүн туппут, саха норуотун Аан дойдуга аатырдыбыт,киэҥ туттар  музыкальнай инструменынан  буолар. Cэтинньи  28 күнүгэр – Баай Барыылаах Байанай ыйыгар  Хомус күнүгэр аналлаах “Дьүрүһүй, хомуһум!» диэн  куорат оскуолаларын оҕолоругар аналлаах  бастакы хомусчуттар күрэхтэһиилэрэ буолан ааста.  Бу күрэхтэһиигэ уон биэс  оскуолаттан 33 оҕо кыттынна.

   Кэлбит ыалдьыттары, кыттааччылары, учууталлары уонна төрөппүттэри Парфений Никитич уонна Надежда Евменьевна Самсоновтар ааттарынан Хатас орто оскуолатын дириэктэрэ Николай Владимирович Слепцов истиҥник эҕэрдэлээтэ. Бу оскуолаҕа быйылгы үөрэх дьылыттан  уруоктар,  хомус тыаһынан доҕуһуолланан,  саҕаланар уонна түмүктэнэр буоллулар. Ол, биллэн турар, оҕо уйулҕатын бөҕөргөтөр, оҕо кута-сүрэ  чөл туруктаах буоларыгар көмөлөһөр.   Маннык улахан тэрээһин  “Сандал” саха норуотун  инструменнарын оркестра норуот матыыптарынан,  Иванова Дайаана «Хомус» үҥкүүтүнэн, «Ситим» хомус ансамблын  эҕэрдэтинэн саҕаламмыта  бэйэтэ эмиэ туспа  ис хоһоонноох. Күрэхтэһии ити  курдук үөрүүлээхтик аһылынна. Мантан салгыы  оҕолор,  хомуска имигэстик оонньоон, араас кэрэ матыыптары,  композициялары  дьоҥҥо-сэргэҕэ  дуоһуйа  иһитиннэрдилэр. Күрэхтэһии түмүгүнэн  Парфений Никитич уонна Надежда Евменьевна Самсоновтар ааттарын сүгэр Хатас орто оскуолатын үөрэнээччитэ  Кардашевская Анастасия, «Хомус дорҕооно» диэн айымньыны толорон,  Гран-при аатын сүктэ. Киниэхэ  Надежда Евменьевна уонна Парфений Никитич Самсоновтар ааттарынан оскуолата дьүрүскэн тыастаах хомуһу бэлэхтээтэ. Хайҕаллаах Хатас сиригэр хомус тыаһын хоҥкунаппыт ытык кырдьаҕас – Зинаида Васильевна Минина «Хомусчаан» ансаамбыл салайааччыта, Саха республикатын үөрэҕириитин туйгуна, Парфений Никитич уонна Надежда Евменьевна Самсоновтар ааттарынан Хатас орто оскуолатыгар өр сылларга учууталлаабыт, педагогическай үлэ ветерана, ырыалар-хоһооннор ааптардара  И.И. Готовцев  «Ытык ымыылаах Хомуһун» анал бирииһин  Дьокуускай куорат 26 № -дээх  оскуолатын 7 д кылааһын  үөрэнээччитигэр Захарова Валерияҕа бэлэх уунна. Аан дойду виртуоз-хомусчута, «Барҕарыы» фондатын степендиата  Ким Александрович Борисов анал бирииһин  Дьокуускай  куорат  2 № -дээх оскуолатын  5 кылааһын  үөрэнээччитигэр  Оконешникова Ангелинаҕа туттарда. Күрэхтэһии маннык түмүктэннэ:

I cтепеннээх лауреат аатын 26№ оскуола 5 кылааһын үөрэнээччитэПопов Ян;

I степеннээх дипломант аатын 7 “б” кылааһын үөрэнээччитэ Иванов Слава «Кыһыҥҥы ойуулар»;

II степеннээх лауреат аатын 2№ оскуола 5 кылааһын үөрэнээччитэ Оконешникова Ангелина “Үөһэттэн кутуллар дорҕооннор»;

II степеннээх дипломант аатын Парфений Никитич уонна Надежда Евменьевна Самсоновтар ааттарынан Хатас орто оскуолатын 7 “а” кылааһын үөрэнээччитэ Семёнова Анжелика;

III степеннээх лауреат аатын Саха гимназиятын 7 “а” кылааһын үөрэнээччитэ Атласова Чэмэлиинэ « Айыл5а уһуктуута»;

III степеннээх дипломант аатын 2№ оскуола 7 «а» кылааһын үөрэнээччитэ Васильева Санаайа «Ойуур дор5ооно»;

9-11 кылаастар икки ардыларыгар:

I cтепеннээх лауреат аатын  Парфений Никитич уонна Надежда Евменьевна Самсоновтар ааттарынан оскуола 9 кылааһын үөрэнээччитэ Оконешникова Амелия;

I степеннээх дипломант аатын 2 № оскуола 11 “б” кылааһын үөрэнээччитэ Стручкова Таильмана «Уһуктуу»;

II степеннээх лауреат аатын Парфений Никитич уонна Надежда Евменьевна Самсоновтар ааттарынан Хатас оскуолатын 9 кылааһын үөрэнээччитэ Андреев Сергей;

II степеннээх дипломант аатын Парфений Никитич уонна Надежда Евменьевна Самсоновтар ааттарынан Хатас орто оскуолатын 10 кылааһын үөрэнээччитэ  Рожин Денис;

III степеннээх лауреат аатын 1№ оскуола 9 кылааһын үөрэнээччитэ Заровняева Наталья;

III степеннээх дипломант аатын 26 оскуола  9а кылааһын үөрэнээччитэТоскина Алёна;

Маны сэргэ, анал номинацияҕа маннык оҕолор тигистилэр:

“Удьуор утума” 26№ оскуола 7 кылааһын үөрэнээччитэ Захарова Валерия “Былыргы матыыптар”;

 “Удьуор утума”  9№ оскуола 9 кылааһын үөрэнээччитэ Кириллина Марина «Норуот ырыата»;

“Хомуһуннаах хомусчут» 9№ оскуола 6 “а” кылааһын үөрэнээччитэ Местникова Лиляҕа “Хоту дойду матыыптара”;

“Хомуһуннаах хомусчут» 7№ оскуола 9 кылааһын үөрэнээччитэ Сергеева Лилия «Хомус кутуллар дор5ооно»;

«Дьүрүскэн хомусчут» Дьокуускай куораттаа5ы национальнай гимназия 5 “а” кылааһын үөрэнээччитэ Андреева Изабелла5а;

«Дьүрүскэн хомусчут» 16 № оскуола 9 кылааһын үөрэнээччитэ Заболоцкая Диана « Норуот ырыаларын матыыптара»;

“Кэскиллээх хомусчут” 12 № оскуола 5 “б” кылааһын үөрэнээччитэ Соров Айтал «Дьүһүйүү»;

“Кэскиллээх хомусчут”16 № оскуола 6 кылааһын үөрэнээччитэ Портнягина Данилия «Хоту дойду матыыптара»;

 “Көрөөччү биһирэбилэ» 23№ оскуола 6 “б” кылааһын үөрэнээччитэ Олесова Мария «Ыһыах түһүлгэтэ».

  “Көрөөччү биһирэбилэ» Парфений Никитич уонна Надежда Евменьевна Самсоновтар ааттарынан Хатас орто оскуолатын 9 кылааһын үөрэнээччитэ Андреев Сергей.

  Тэрээһин  кэмигэр учууталлар  кыттааччыларга  анал дьарыктары  ыыттылар, дьарыктар кэннилэриттэн сценаҕа тахсан тэрээһин кыттыылаахтара бары бииргэ хомустаатылар.        Куораттааҕы саха тылын уонна литэрэтиирэтин, төрүт култууратын учууталларын  методическай  холбоһугун салайааччыта Марианна Николаевна Борисова  оскуола  салайааччыларыгар, чуолаан,оскуола  дириэктэригэр Николай Владимирович Слепцовка, култуура киинин  салайааччытыгар  Людмила Михайловна Чепаловаҕа, Винокурова Христина Николаевна5а, Оконешникова Зинаида Николаевна, төрүт култуура уонна саха тылын, литэрэтиирэтин  учууталларыгар  урдук таһымнаах тэрээһини ыытарга күүс көмө буолбуттарыгар   махтанна.   Кини бу күрэхтэһиини   үгэс быһыытынан сыл аайы Хатаска ыытылларыгар баҕа санаатын эттэ,  учууталларга уонна оҕолорго айымньылаах үлэлэригэр үрдүк ситиһиилэри, баҕа санаа бастыҥын, үтүө санаа үтүмэнин алгыһынан тириэртэ.

                                                                                                                                                                                                                                                               Алексеева И. В.

                                                                                                                                                                                                                                                  Хатас орто оскуолатын

                                                                                                                                                                                                                                        төрүт култууратын  учуутала.